黃智雯（Mandy）的家人一直有養狗，從小時候，她就懂得與狗狗相處。長大後獨自生活，Mandy很想擁有屬於自己的狗狗，可惜礙於工作時間不穩定，遲遲未能成事。直至遇到胞姐的松鼠狗女，Mandy對牠一見鍾情，她坦言對現時八個月大的Mochi，如親生女一樣寵愛。
Mandy日前接受《晴報》訪問，指胞姐知道她很想養狗，有日就問她對Mochi有沒有興趣。點知Mandy見到當時只有兩個月大的Mochi，立即愛上，經常心掛掛跑去胞姐家探望Mochi，最後便把牠接抱回家。
回想Mochi第一日去到Mandy家裏，後者笑稱：「佢好乖呀！可能因為年紀仲好細，成日都瞓覺，而且又好黐人，例如朋友嚟我屋企，Mochi就好似PR咁，幫手招呼朋友，個個都跟，只要同佢玩就得喇！啲人話松鼠狗好鍾意吠，但Mochi又冇乜喎……受疫情影響，加上未杜蟲，我都唔敢帶佢出街。Mochi而家八個月大喇，打咗針又杜咗蟲，我先至帶佢出街、行山，可能因為見多咗人，所以Mochi吠多咗。」
問她是否有教Mochi做指令？Mandy表示：「其實我未養狗之前，上網有睇過啲片，同埋睇狗仔書，所以都有試吓訓練佢，可能因為佢細個，一張白紙，我教佢嘅指令，例如Sit、Hand Hand，教佢一、兩次已經學識，吸收能力好快。」同時指松鼠狗的毛很容易打結，加上Mochi在這個時候要換毛，所以每天都要替牠梳毛兩次。
拍劇時間日夜顛倒，正是Mandy最煩惱的問題，雖然Mochi有媽媽幫手照顧，但始終卻要承受那份對Mochi記掛的心情，她說：「有時因為要『通頂』，我會將Mochi交畀媽咪照顧，我放工就即刻湊佢返屋企！就算我拍劇拍到好攰，好想『撻』落床瞓覺，都會陪佢玩一陣先，根本已經當咗佢係我嘅家人，同Mochi嘅關係就好似媽咪同囡囡一樣，我媽咪都好錫Mochi，當咗佢係孫女㗎！」
早前，Mandy要在內地工作3個月，她只能將Mochi交給媽媽代為照顧，她說：「真係好唔捨得！每晚都要同佢Video Call，雖然Mochi唔知係咩一回事，但我全程係咁狂叫佢，等佢認得我把聲。我記得拍完嘢返香港嗰日，開門，Mochi見到我呆咗，佢用咗3秒時間猶豫，之後頭仔擰吓擰吓咁，第4秒就撲埋嚟！興奮咗30分鐘先冷靜落嚟，佢可能認得我把『煩』音，哈哈哈！」
Mandy的胞姐有一隻15歲大的白威犬Bon Bon，可惜於去年離世，全家人十分傷心。這令Mandy明白到，Mochi現時八個月大，在將來的日子裏，雙方總有離別的一天。要做個負責任的飼主，愛護毛孩，用心照顧牠們的起居飲食及全部，她說：「我啱啱拍完一套劇集，遲啲先至會再拍另一套，我會將所有時間畀晒佢、陪住佢、照顧佢。」
撰文：黃曉妍
黃智雯（Mandy）的家人一直有養狗，從小時候，她就懂得與狗狗相處。長大後獨自生活，Mandy很想擁有屬於自己的狗狗，可惜礙於工作時間不穩定，遲遲未能成事。直至遇到胞姐的松鼠狗女，Mandy對牠一見鍾情，她坦言對現時八個月大的Mochi，如親生女一樣寵愛。
Mandy日前接受《晴報》訪問，指胞姐知道她很想養狗，有日就問她對Mochi有沒有興趣。點知Mandy見到當時只有兩個月大的Mochi，立即愛上，經常心掛掛跑去胞姐家探望Mochi，最後便把牠接抱回家。
回想Mochi第一日去到Mandy家裏，後者笑稱：「佢好乖呀！可能因為年紀仲好細，成日都瞓覺，而且又好黐人，例如朋友嚟我屋企，Mochi就好似PR咁，幫手招呼朋友，個個都跟，只要同佢玩就得喇！啲人話松鼠狗好鍾意吠，但Mochi又冇乜喎……受疫情影響，加上未杜蟲，我都唔敢帶佢出街。Mochi而家八個月大喇，打咗針又杜咗蟲，我先至帶佢出街、行山，可能因為見多咗人，所以Mochi吠多咗。」
問她是否有教Mochi做指令？Mandy表示：「其實我未養狗之前，上網有睇過啲片，同埋睇狗仔書，所以都有試吓訓練佢，可能因為佢細個，一張白紙，我教佢嘅指令，例如Sit、Hand Hand，教佢一、兩次已經學識，吸收能力好快。」同時指松鼠狗的毛很容易打結，加上Mochi在這個時候要換毛，所以每天都要替牠梳毛兩次。
拍劇時間日夜顛倒，正是Mandy最煩惱的問題，雖然Mochi有媽媽幫手照顧，但始終卻要承受那份對Mochi記掛的心情，她說：「有時因為要『通頂』，我會將Mochi交畀媽咪照顧，我放工就即刻湊佢返屋企！就算我拍劇拍到好攰，好想『撻』落床瞓覺，都會陪佢玩一陣先，根本已經當咗佢係我嘅家人，同Mochi嘅關係就好似媽咪同囡囡一樣，我媽咪都好錫Mochi，當咗佢係孫女㗎！」
早前，Mandy要在內地工作3個月，她只能將Mochi交給媽媽代為照顧，她說：「真係好唔捨得！每晚都要同佢Video Call，雖然Mochi唔知係咩一回事，但我全程係咁狂叫佢，等佢認得我把聲。我記得拍完嘢返香港嗰日，開門，Mochi見到我呆咗，佢用咗3秒時間猶豫，之後頭仔擰吓擰吓咁，第4秒就撲埋嚟！興奮咗30分鐘先冷靜落嚟，佢可能認得我把『煩』音，哈哈哈！」
Mandy的胞姐有一隻15歲大的白威犬Bon Bon，可惜於去年離世，全家人十分傷心。這令Mandy明白到，Mochi現時八個月大，在將來的日子裏，雙方總有離別的一天。要做個負責任的飼主，愛護毛孩，用心照顧牠們的起居飲食及全部，她說：「我啱啱拍完一套劇集，遲啲先至會再拍另一套，我會將所有時間畀晒佢、陪住佢、照顧佢。」
撰文：黃曉妍
其他新聞:
